Það er ekki lengi verið að taka af almenningi umsamdar hækkanir !!!!!!

Það er ekki lengi verið að taka af almenningi umsamdar hækkanir en að leiðrétta ruglið í vísitöluhækkun og gengishækkun undanfarið ár tekur heila eilífð.

Ég er nú búinn að ákveða hvaða flokk ég ætla að kjósa í næstu kosningum og ætla ég rétt að vona að fleiri snúist á sveif með þeim flokki, reyndar eina flokki sem lagt hefur fram heilsteyptar tillögur um niðurfellingu skulda heimilanna og fyrirtækjanna í landinu.

Hér á ég auðvitað við Framsóknarflokkinn og tek ég ofan fyrir þeim tillögum sem þeir hafa lagt fram og bíð spenntur eftir því að þeir leggi þær fram sem frumvarp á Alþingi. 

Það verður fróðlegt að sjá framan í þá þingmenn sem greiða atkvæði gegn frumvarpi þessu sem á skömmum tíma myndi leiðrétta það misrétti sem fjölskyldur og fyrirtæki hafa mátt búa við.

Það er ljóst að nýju bankarnir hafa þegar keypt skuldir heimilanna og fyrirtækjanna með miklum afföllum 50-80% og því er ekkert eðlilegra en að fjölskyldur þessa landa og fyrirtækin fái að njóta að minnsta kosti 20% af þessum afföllum. Allt tal um að við höfum ekki efni á þessu er því rugl og aðeins er verið að reyna að sá sandi í augu almennings.

Því þarf að tryggja að þessir menn og konur sem leggja fram tillögur sem þessar fái gott brautargengi og því skora ég á alla landsmenn að krefjast þess að þetta frumvarp verði samþykkt tafarlaust á Alþingi Íslands.

Samið um frestun kjarasamninga