Hverjir fá alla þessu háu vexti og hvers vegna ????

Nú þegar við eigum alla bankana og flestar aðrar fjármálastofnanir landsins auk lífeyrissjóðanna er það skírlaus krafa okkar sem erum eigendur þessara fjármálafyrirtækja að vextir verði lækkaðir strax og verðtrygging afnumin.  Það er ekki hagur almennings í þessu landi og því síður ósk okkar að þessar fjárglæfrastofnanir græði á tá á fingri á meðan þjóðin sveltur.  Þetta háa vaxtastig er nú þegar búið að ganga af hálfri þjóðinni dauðri og ef heldur fram sem horfir verður stutt í endalokin.  En stóra spurningin er í hvað fara allir þessir vextir og verðbætur ? og hver er það sem eignast þessi ósköp ? Þetta ætti nú að duga til að reka þessar hallir sem byggðar hafa verið undir þessar stofnanir. 

Við erum búinn að fá nóg af greiningardeildum og öllu sérfræðiáliti og viljum ekki láta þessa falsspámennsku stjórna okkur lengur.  Lækkun stýrivaxta um 1% er sýndarmennska og stórundarlegt í því ástandi sem að hér ríkir í dag.  En auðvitað vilja þessir menn meira og auðvitað er erfitt að hætta skyndilega að mjólka þjóðina eftir öll þessi ár.

En hvað er til ráða þegar ráðamenn þjóðarinnar vita ekki sitt rjúkandi ráð og eru orðnir ruglaðir á öllu þessu tali um miljarða á miljarða ofan.  Þeir afskrifa skuldir broddborgara um hundruði milljarða og horfa aðgerðalaus á sukkið í fjármálageiranum heldur áfram sem aldrei fyrr. 

Því skora ég á landsmenn alla að mótmæla þessu sukki sem enn flæðir yfir þjóðina og berja búsáhöld og bumbur við hvert tækifæri.  Gefumst ekki upp fyrir fjármagnseigendunum.

Spá óbreyttum stýrivöxtum

Athugasemdir

[Sigrún Aðalsteinsdóttir, 4.7.2009 kl. 23:18]

Það er algjörlega óþolandi að búa við þetta vaxtaokur sem hér er og hefur alltaf verið.  Það er afskaplega erfitt að skilja fyrir venjulegt fólk að þessi þjóð skuli neyðast til þess að greiða hæstu vexti sem fyrirfinnast í heiminum og auk þess að greiða verðtryggingu ofan á alla súpuna, sem hvergi finnst annars staðar á byggðu bóli.  Það væri gaman að vita hvaða fjármálafáviti fann upp á þeirri hengingaról.  Við erum náttúrulega í skuldafangelsi vegna íslenskra fjárglæframanna og handónýts gjaldmiðils.