HVERJIR EIGA JÖKLABRÉFIN ???

Það væri nú fróðlegt að vita hverjir eiga þessi marg um töluðu Jöklabréf.  Það eina sem að almenningi er sagt að það séu erlendir aðilar.  Þá spyr ég, hversvegna þurfum við að greiða þessi Jöklabréf ef gömlu bankarnir eru greiðendur af þeim ??  Má ekki einfaldlega afskrifa þetta í þrotabú gömlu bankanna eins og svo margir hafa lagt til ?   Því þarf þjóðin að greiða fyrir vafasamt sukk banka sem voru í einkaeign? Það skildi þó aldrei vera að eigendur þessara bréfa séu útrásarvíkingarnir okkar og Íslenskir lífeyrissjóðir í gegn um nöfn erlendra aðila ??

Það er einhver óþefur af þessu máli öllu og undarlegt að ríkisstjórnin skuli ekki vera fyrir löngu búinn að leiða þetta til lykta.

 

Vaxtagreiðslur til eigenda jöklabréfa veikja krónuna

Athugasemdir

[Guðmundur Ásgeirsson, 16.4.2009 kl. 09:53]

Ef menn einblína á jöklabréf við hagstjórn, þá er í raun verið að stjórna eftir ytri aðstæðum en ekki innlendum, og eins og vitað er þá eru ytri aðstæður einmitt mjög óhagstæðar núna. Innri aðstæður á Íslandi eru hinsvegar alls ekki slæmar, fyrir utan það að þörf er á enduruppbyggingu fjármálakerfisins og niðurskurði vegna samdráttar í skattekjum ríkisins. (Og þar er af nægu bruðli að taka án þess að skerða grunnþjónustuna!)

En um hversu stórar upphæðir ætli sé að ræða í Jöklabréfum, veit það einhver? Gæti verið að það væri einfaldlega best að greiða þetta bara upp snöggvast til að losna við vaxtaáhrifin? Það er sárt en verður að taka of skarið og sprengja bóluna til að gera Seðlabankanum eftirleiðis kleift að stýra vöxtum í samræmi við innlendar aðstæður. (Ef það er hægt þá gætu raunvextir orðið fljótt mjög lágir eða á bilinu 0-4%.)

[Guðmundur St Ragnarsson, 18.4.2009 kl. 00:08]

Ætli þetta sé ekki eitthvert sambland af útrásarvíkingum (reyndar of gott orð fyrir þessa glæpamenn), bankaeigendum og erlendum aðilum.

[Guðmundur Ásgeirsson, 20.4.2009 kl. 00:29]

10 milljarðar á mánuði = 120 milljarðar á ári. Ef það eru 20% þá er heildin 5x það eða 600 milljarðar.

Það er "ekki nema" tæplega eitt stk. IceSave, og aðeins þreföld sú upphæð sem fyrrverandi ríkisstjórn dældi inn í peningamarkaðssjóðina gegn verðlausum bréfum, þar af fór mest í sjóð #9 hjá Illuga eða 25 milljarðar.

Ef það er tilfellið að einhverjir Íslendingar eiga þessi jöklabréf ætti að sjálfsögðu bara að frysta þau, en það virðist einmitt vera ráðlegging yfirvalda sjálfra handa þeim sem eru í greiðsluvanda...