Að sópa drullunni undir mottuna !!!!!

Það að stytta fyrningarfrest gjaldþrota í 2 ár er gott og gyllt en það virðist hafa gleymst í þessu frumvarpi að kröfuhafar geta sett kröfur sínar í kröfuvakt og þá koma þær ekki til með að fyrnast og halda endalaust áfram að bæta á sig kostnaði og að fylgja viðkomandi einstaklingi þess vegna út allt lífið.  Þessu verður líka að breyta til þess að þetta frumvarp verði að gagni.

En fyrir okkur meðal Jónanna sem enn skrimtum, og þó ekki, er ekkert gert.  Við eigum bara að borga og brosa og taka á okkur enn þyngri byrðar á meðan skussunum er hjálpað sem er alveg óþolandi.

Eina rétta leiðin í þessu er að fella niður hluta allra skulda á bæði heimili og fyrirtæki því að í því fellst hinn eini sanni jöfnuður.  Það eru allir samála um að verðbólga og gengislækkun undanfarna 12-13 mánuði er okur og hana ber að leiðrétta.  Því er sú tillaga sem að Framsóknarflokkurinn hefur borið fram ljóðið í myrkrinu.  Nýju bankarnir hafa nú þegar keypt lánin okkar með 50-80% afslætti að gömlu bönkunum og gætu hæglega gefið okkur meðaljónunum svona 20-30% af þessum afslætti.  Það er óþolandi að fólkið í landinu fái ekki að njóta þessa afsláttar sjálft heldur er honum ráðstafað til að fella niður miljarða skuldir broddborgara og vandamanna þeirra sem að bönkunum stjórna.  Því verðum við að krefjast þess að sú leið sem að Framsóknarflokkurinn leggur fram verði farin.

 

Aukið svigrúm fyrir heimili í erfiðleikum

Athugasemdir

[Nanna (IP-tala skráð) 5.3.2009 kl. 09:28]

Það er svo dásamleg stafsetningin á þessum pistli að ég kemst bara í gott skap ofan á allt góða veðrið og yndislegheitin í kringum okkur, þetta nýja máltæki - gott og gyllt - er líka algjör snilld.