Nýtt afl nýjar áherslur !!!!!

Það er ljóst að Framsóknarflokkurinn er fyrstur allra stjórnmálaflokka til að bregðast við kalli nýrra tíma og seigja skilið við fortíðina með ungt fólk í fararbroddi, fólk sem ekki hefur tekið þátt í því sukki sem viðgengist hefur í Íslensku þjóðfélagi.  Þessu ber að fagna og ættu ríkisstjórnarflokkarnir að taka þetta sér til fyrirmyndar og skipta út þessu örþreytta fólki sem er þar í forsvari, fólki sem brugðist hefur trausti þjóðarinnar.  Ég vil nota tækifærið og óska nýjum formanni og varaformanni alls góðs í framtíðinni

 

Þegar íslensku ríkisbankarnir voru seldir til einkaaðila var það gert með samþykki flest allra þingmanna og þar með talinna þingmanna SAMFYLKINGARINNAR.  Nú þegar liggur fyrir að hrun bankanna er stór örlagavaldur fyrir því hvernig komið er fyrir íslensku þjóðinni þýðir ekki að skella skuldinni á það hvernig að sölu þeirra var staðið.  Það er í raun núverandi ríkisstjórn og hennar aðgerðarleysi sem komið hefur okkur í þá stöðu sem að við erum í í dag.  Þetta vita allir og það þýðir ekkert fyrir Samfylkinguna að reyna að koma ábyrgðinni yfir á einhvern annan í þessu tilfelli. 

 

Stjórnleysi undanfarinna 18 mánaða er það sem komið hefur okkur í koll.  Ríkisstjórnin brást ekki við þeim aðvörunum og óveðursskýjum sem voru á lofti.  Hún leifði ICEsave reikningunum að margfaldast án nokkurra hindrana.  Hún leyfði fjárglæframönnum að komast upp með allskonar viðskipti með hvað nú má kalla þetta allt, framvirka gengissamninga krosseignatengsl, og bla bla bla.  Þeim var leyft að brjóta og sveigja lög og reglur án nokkurs eftirlits.  Ríkisstjórninni mistókst að verja gengið og verðbólgan hækkaði upp úr öllu valdi með tilheyrandi vandræðum fyrir fólk og fyrirtæki.

 

Því sjá það allir sem vilja að það að reyna koma skuldinni yfir á sölu bankanna er til þess gert að sáldra sandi í augu fólks til að sannleikurinn um getuleysi og aðgerðarleysi ríkisstjórnarinnar undanfarna 18 mánuði blasi ekki við.

 

Ábyrgð á efnahagshruninu