ÞETTA ER HÆGT FYRIR STÓRLAXA EN EKKI HEIMILIN

Nú held ég að það sé komin tími til að standa saman og mótmæla því hrópandi óréttlæti sem ríkisstjórn þessa lands býður okkur uppá.  Miljarðar á miljarða ofan eru afskrifaðir af fyrirtækjum og góðborgurum þessa lands og þjóðin látin borga brúsann.   Lán eru niðurfeld hjá starfsmönnum bankanna og börnunum þeirra og er þetta enn ein skrautfjöðrin í þeirra hatt.  Eiga ekki foreldrar þessara barna að bera ábyrgð á því sem að þeir létu börnin sín gera og borga þessar skuldir sjálf sem að þeir komu þessum saklausu börnum í ?  ég er alla vegana ekki tilbúin til þess.  Hvað hefði nú gerst ef þessi bréf hefðu margfaldast að raunvirði hver hefði þá hirt ágóðan ? alla vegana ekki ég.  Þessu fólki er ekki viðbjargandi og það á að bera fulla ábyrgð á þessari græðgi í sér og skammast sín.  Vert er að hafa í huga að á bakvið flestar fjölskyldur eru líka börn sem að sannarlega finna fyrir því þegar foreldrar þeirra eru að missa allar sínar eigur í hendur fjárglæframanna en auðvitað er ekkert gert fyrir þau.

Á sama tíma fullyrðir Árni Páll  að ekki sé hægt að leiðrétta höfuðstóla fasteignalána fyrir einstaklinga.  Hvað ætli sé búið að afskrifa mörg hundruð miljarða á þessi stóru fyrirtæki á undanförnum mánuðum?  Hvernig getur maður eins og Árni horft framan í þjóðina og haldið þessu fram.  Það verður gaman að sjá hann á borgarafundinum í kvöld halda því fram að ekkert sé hægt að gera fyrir fólkið í landinu og að það verði að búa í skuldafangelsi það sem eftir er ævinnar.  Hann ætti að skammast sín fyrir það aðgerðarleysi sem einkennt hefur störf hans í þessu ráðuneyti. 

 

Tugmilljarða afskriftir?

Athugasemdir

[Tómas Ibsen Halldórsson, 2.11.2009 kl. 12:38]

Hjartanlega sammála þér Hilmar.  Foreldrar þessara barna eiga að borga brúsann, en það á líka að lögsækja, bæði foreldrana og starfsmenn bankans sem létu þessi lán fara í gegn, því þessi gjörningur er brot á lögum og verða dómstólarnir að fjalla um hann og dæma, þannig að ekki fari á milli mála hvernig litið er á svona mál, öðrum til varnaðar.

Hvað hann Árna Pál varðar, þá er hann að "létta" mönnum greiðslubyrðina á húsnæðislánum í ca. þrjú ár, en eftir það verður hann ekki ráðherra lengur og fá þá aðrir að glíma við afleiðingar gjörða hans, þ.e. þyngingu greiðslubyrða sem hellist yfir lántakendur að þeim tíma liðnum.

[Guðmundur Pétursson, 2.11.2009 kl. 15:16]

Samspillingin ætlar að gera alllt sem í þerirra valdi stendur til þess að Ísland standi undir nafnbótinni "bananalýðveldi" það nýjasta er lagafrumvarp félagsmálaráðherra um greiðsluaðlögun sem á að undirbúa jarðveginn fyirr spillingargjörninga framtíðarinnar en þeir verða margir og sóðalegir.  Spilliing íslenskra stjórnmálamanna er með ólíkindum, þeir eru algjörlega gegnsýrðir og svífast einskis í þeim efnum.

[Sigurður Haraldsson, 3.11.2009 kl. 00:16]

Rétt hjá ykkur strákar stjórnvöld eru ekki starfi sínu vaxin því miður það er allt að fara til Helv....