STOFNAÐUR HEFUR VERIÐ REIKNINGUR TIL SAMSKOTA ................

Stofnaður hefur verið reikningur Í NLÍ til samskota fyrir Hreiðar og Sigurjón því það getur ekki verið að þessir menn eigi að borga alla þessa skatta.  Hvaða sanngirni er í því að 2 menn borgi 256,6miljónir í opinbergjöld ?  þetta eru árslaun svona eins og 109 launamanna.   Það hlýtur að vera einhver villa í þessu: Sínum þessum mönnum nú samstöðu og leggjum inn á þennan reikning í NLÍ til að styrkja smáfuglana.

Hreiðar Már greiðir mest

Hverjir fá alla þessu háu vexti og hvers vegna ????

Nú þegar við eigum alla bankana og flestar aðrar fjármálastofnanir landsins auk lífeyrissjóðanna er það skírlaus krafa okkar sem erum eigendur þessara fjármálafyrirtækja að vextir verði lækkaðir strax og verðtrygging afnumin.  Það er ekki hagur almennings í þessu landi og því síður ósk okkar að þessar fjárglæfrastofnanir græði á tá á fingri á meðan þjóðin sveltur.  Þetta háa vaxtastig er nú þegar búið að ganga af hálfri þjóðinni dauðri og ef heldur fram sem horfir verður stutt í endalokin.  En stóra spurningin er í hvað fara allir þessir vextir og verðbætur ? og hver er það sem eignast þessi ósköp ? Þetta ætti nú að duga til að reka þessar hallir sem byggðar hafa verið undir þessar stofnanir. 

Við erum búinn að fá nóg af greiningardeildum og öllu sérfræðiáliti og viljum ekki láta þessa falsspámennsku stjórna okkur lengur.  Lækkun stýrivaxta um 1% er sýndarmennska og stórundarlegt í því ástandi sem að hér ríkir í dag.  En auðvitað vilja þessir menn meira og auðvitað er erfitt að hætta skyndilega að mjólka þjóðina eftir öll þessi ár.

En hvað er til ráða þegar ráðamenn þjóðarinnar vita ekki sitt rjúkandi ráð og eru orðnir ruglaðir á öllu þessu tali um miljarða á miljarða ofan.  Þeir afskrifa skuldir broddborgara um hundruði milljarða og horfa aðgerðalaus á sukkið í fjármálageiranum heldur áfram sem aldrei fyrr. 

Því skora ég á landsmenn alla að mótmæla þessu sukki sem enn flæðir yfir þjóðina og berja búsáhöld og bumbur við hvert tækifæri.  Gefumst ekki upp fyrir fjármagnseigendunum.

Spá óbreyttum stýrivöxtum

Hvar er réttlætið ?? Hvar er Hrói Höttur ??

Ef að þessi ríkisstjórn hefði einhvern manndóm í sér myndi hún ógilda þann úrskurð sem feldi niður skuldir starfsmanna og velunnara Kaupþings Banka og nota þessa 90-150 miljarða til að greiða niður skuldir heimilanna. 

Þessi ofurvernd Jóhönnu og Steingríms yfir fjármagnseigendum er ólíðandi. Skattahækkanir og auknar álögur eru það eina sem þeim hefur dottið í hug að framkvæma í þessu landi og það svo rækilega að fólk spyr hvar er Hrói Höttur ?

Fengu milljarða að láni

SÁ STÓRI SLEPPUR ALLTAF.

Auðvitað er hann ekki vanhæfur hann Helgi hann er helgur og ósnertanlegur eins og aðrir stórlaxar.  Ef þú er svo heppinn að setja í einns svona stóran þá ber þér umsviflaust að sleppa honum þannig að hann viðhaldi stórlaxa stofninum. 

Það er alveg ljóst að það á að fórna okkur litlu löxunum fyrir hagsmuni stórlaxanna.

Vanhæfi Helga breytir ekki lögmæti

ÞJÓÐIN ÖLL ÞARF ÁFALLAHJÁLP.

Það eru ekki bara bankamenn sem að þurfa áfallahjálp heldur öll þjóðin.  Það að nokkrir einstaklingar hafi komið þjóðinni á hausinn, sundrað heilu fjölskildunum og skuldsett komandi kynslóðir upp fyrir haus er óþolandi og ólíðandi.

Stjórnvöld hafa brugðist almenningi og valdið óbærilegu tjóni sem enn hefur ekki nema að litlu leiti litið dagsins ljós.  Því undirstrika ég það að þjóðin öll þarf áfallahjálp og hjálp við að tóra í því umhverfi sem verður hér á landi næstu árin.  Alt hefur verið gert til að koma fjármagnseigendum til aðstoðar og til að leiðrétta þeirra hlut og við hin erum látin borga brúsann.  Ævistarfið farið, sparnaðurinn brunnin upp, atvinnuleysi framundan, auknar skattaálögur og allt til þess að borga sukkið hjá þeim bankamönnum sem héldu um taumana.

Bankamenn fá áfallahjálp

Hvar eru aðgerðir fyrir heimilin í landinu.

Stefnt skal að og reyna skal

þvílíkt orðagjálfur.

Sleppum þeim sem öllu stal

Ég borga brúsann sjálfur.

Til hamingju með sáttmálann

Steingrímur og Jóhanna lofuðu ................

Auðvitað á þetta allt að koma upp á borðið.  Hversvegna á almenningur á Íslandi að greiða fyrir gjaldþrot EINKABANKA  en ekki fyrir gjaldþrot Heimilanna í landinu.  Við krefjum ríkisstjórnina um upplýsingar og púum á LOFORÐASVIK Steina og Jóhönnu ! sem virðast vera löngu búin að gleyma öllum loforðunum fyrir Kosningar.

Upp með vöndinn flengjum ríkisstjórnina !!!! 

 

Krefjast þess að rætt verði um Icesave

Get vart orða bundist !!!!!!!

Eftir að hafa horft um stund á kastljós í gærkvöldi fóru skyndilega að renna á mig tvær grímur.  Hinn ágæti viðskiptaráðherra þjóðarinnar talaði þar eins og umskiptingur.  Það eru ekki margir mánuðir síðan sami maður hafði hag heimilanna og fyrirtækjanna fyrir brjósti en nú hefur hann umpólast og gerir grín af lántakendum og ber hagsmuni fjármagnseigenda fyrir brjósti.  Það er stórfurðulegt að ráðamenn þessarar þjóðar skuli ekki sjá það tækifæri sem fellst í því að nota þá peninga sem að þegar hafa verið afskrifaðir til að leiðrétta þá eignarupptöku sem að hér hefur átt sér stað.  Nú er tækifæri til að leiðrétta höfuðstól lána allra landsmanna ekki útvalinna hópa ofurskuldsettra einstaklinga og fyrirtækja sem jafnvel voru á hnjánum áður en til bankahrunsins kom.

Við verðum að taka höndum saman og finna aftur pottana og pönnurnar og mæta á Austurvöll, þegar þessum háu herrum þóknast að snúa aftur til starfa, og láta í okkur heyra.  Það skiptir öllu máli að grípa til aðgerða strax en vera ekki að gaufast þetta í rólegheitum fram á mitt sumar.

Gæti orðið stutt kjörtímabil

HVERJIR EIGA JÖKLABRÉFIN ???

Það væri nú fróðlegt að vita hverjir eiga þessi marg um töluðu Jöklabréf.  Það eina sem að almenningi er sagt að það séu erlendir aðilar.  Þá spyr ég, hversvegna þurfum við að greiða þessi Jöklabréf ef gömlu bankarnir eru greiðendur af þeim ??  Má ekki einfaldlega afskrifa þetta í þrotabú gömlu bankanna eins og svo margir hafa lagt til ?   Því þarf þjóðin að greiða fyrir vafasamt sukk banka sem voru í einkaeign? Það skildi þó aldrei vera að eigendur þessara bréfa séu útrásarvíkingarnir okkar og Íslenskir lífeyrissjóðir í gegn um nöfn erlendra aðila ??

Það er einhver óþefur af þessu máli öllu og undarlegt að ríkisstjórnin skuli ekki vera fyrir löngu búinn að leiða þetta til lykta.

 

Vaxtagreiðslur til eigenda jöklabréfa veikja krónuna

BRANDARI ALDARINNAR !!!!!!

Þetta er ótrúlegt ef satt reynist að þjóðin kjósi sig sjálf í skuldafangelsi næstu áratugina.  Það er alveg ljóst að ef fólk hlustar á hvað VG og Samfylkingin hafa upp á að bjóða að þeir ætla sér ekki í almennar aðgerðir fyrir fólið og fyrirtækin í landinu.

MMR: Fylgi VG eykst